Peru de 3,5 mengan de 900 cinîyî vîn bîyî
Peru de rîyê pandemîya vîrusê Korona de mîyanê 3,5 mengan de se ra 70ê ci domanî nêzdîyê 900 cinîyî vîn bîyî.
Peru de tedbîrê keyeyê mendişî ra verê cû her roje 5 cinîyî vîn bîyayêne la 3,5 menganê pandemîye de na hûmare bîye 8.
Berpirsa Heqanê Cinîyan a Buroyê Pawitişê Şarî Eliana Revoller AFPyî rê qisey kerd û vat: ''16ê adare ra heta 30ê hezîrane Peru de 915 cinîyî vîn bîyî.''
Avûkat Walter Gutierrezî zî radyoyê RPPyî reyde qisey kerd û vat: ''Ganî ma bizanê ke se bîyo înan.''
Gutierrezî da zanayene ke nê 915 cinîyan ra se ra 70ê ci domanê kênayî yê.
