Êlih de Îpek Era 18 serre dima ke çawişê pisporî Musa Orhanî ci rê tecawuz kerd, xo kişt.

Meydanê Taksîmî yê Îstanbulî de endamanê 'Xelisîyayîşê Cinîyan' bi çalakîyêke  tecawuz protesto kerd û waşt ke hesabê Îpeke Er wa bêro persayene.

Cinîyan pankarta bi nuşteyê 'Kiştoxê Îpeke sîstemê serdestîya camêrdan o' akerde û sloganê sey 'Ma do kiştoxan ra hesab bipersê', 'Dewleto camêrd do hesab bido' vatî.

Cinîyan eşkerayîya xo de vat ke Musa Orhan hêverî ame veradayene û nêrazîbîyayîşanê komelî ra dima bi hawayêkê 'bêzerrî' ame tepiştene. Cinîyan vat: ''Dewlete tacîzker û tecawuzkeran rê çin a la cinîyan rê ke hesab persenê, esta.''

Wextê eşkerayîye de polîsanê tirkan hêrişê çalakîkeran kerd û 4 cinîyê çalakîkerî destbend kerdî. Nameyê destbendkerdeyan wina yê: Başake Yeşîlot, Gamze Taşçi, Berîvane Kurt û Burcugule Çubuk.