RAJIN serrgêra 24. ya şehadetê Gurbetellî Ersoz de a bi eşkerayîyêke yad kerde. Eşkerayîya RAJIN bi kilmî wina ya:

''Gurbetellî Ersoza ke Kurdîstan û Tirkîya de sey mudira pêroyî ya verêne ya weşanî şinasîyena peyê xo de mîrasêko pîl verda. Gurbetellî Ersoz 7ê teşrîna verêne ya 1997î de komêka embazanê xo reyde Başûrê Kurdîstanî de şehîd bîye. Roja şehadetê ci 2013 de sey roja rojnamegeran ê cinîyan ê kurdan ameye îlankerdene. Ma do xeta Gurbetellî Ersoz ser o bi qerardarî têkoşîn de israr bikerê. 

Rojanemegera şorişgêre û perwera cuya azade Gurbetellî Ersoz bi kesayetê xo yê rayberî vera metod û tradîsyonê kanwazî, vera sîstemê serdestîya camêrdan pê qelema xo bîye awankera cuya azade û vatoxa raştîyan. Destpêkê serranê 90an de Vakurê Kurdîstanî de vera qirkerdiş, çinkerdiş û hişmendîya dewleta tirje raştîya ruhê xoverdayoxî ya cinîyan ê kurdan vejîyaye werte. Embaze Gurbetellî Ersoz bîye raybera nê ruhî û nê oxirî de têkoşînêko bêhempa kerd.

Gurbetellî Ersoz averberdişê xebatan û çapemenîya şorişê Kurdîstanî de pê tewirê xo yê şorişgêrî, pê xorinîya fikrî bîye xeta çapemenîya azade. Embaze Gurbetellî Ersoz rayraşîyayîşê xo yê azadîye pê eşqê şorişî kerd. Ewro bi seyan cinîyê kurdî pê ruh, tewir û krîterê Gurbetellî Ersor mîyanê xebatanê çapemenîye de ca gênê. Sey RAJIN ma zî xo nê bingeyî ser o rêxistin kerdo û têkoşîn kenê. Semedo ke raştîye mîyanê tarîtîye de nêmana ma do bi ruhê Gurbetellî Ersoz peyê raştîye de şorê, têkoşîn bikerê û qelema cinîya azade aver berê û bibê vengê xoverdayîşê cinîyan.

Ma nê esasî ser o reyna perwerîya xo bi xeta Gurbetellî Ersoz dibare kenê. Bi wesîleya roja şehadetê aye ma pêro şehîdanê cinîyan ê teşrîna verêne yad kenê. Ma soz danê şehîdan ke do heta cuya azade rayberîya cinîyan de awan bikerê, serê rêçê raştîye de têkoşînêkê isrardar bikerê.  Heqîqetê Gurbetellî Ersozan do tim rayîrê ma roşn bikero.