Rêxistina Efû ya Mîyanneteweyîye derheqê nîqaşanê Peymana Îstanbulî de eşkerayîye daye. Rêxistine venga AKPyî da ke herinda ke peymane ra xo bianco ganî peymane bi hawayêkê bêkemasî bîyaro ca.

Rêxistina Efûyî zêdîyayîşê şîdetî yê vera doman û kênaya vist vîrî û vat ke wextêkê winasênî de nîqaşê seba peymane qerqilneno.

Eşkerayîye wina dewam kerd: ''eke Tirkîya xo Peymana Îstanbulî ra bianca seba bi mîlyonan cinî û domananê kênayan berê felaketan do abibê. Bi xo nîqaşê axoantişî zî asayîşê cinî domananê kênayan ser o tesîr keno.''

Peynîya eşkerayîye de ame vatene ke herinda ke Tirkîya biba dewleta verêne ya Konseya Ewropa ya ke Peymane ra xo tepîya ancena wa bi hawayêkê bêkemasîyî peymane bîyara ca û heqanê cinî û domanan zêdêr bipawa û aver bera.