Rêxistina Zerdeşte ya Dinya, Têgêrayîşê Cinîyan ê Kurdan û têgêrayîşê cinîyan ê Îranî û Têgêrayîşê Paşdayîşê Mîyanneteweyî bi şîarê 'jin, jiyan, azadî', London de bernameyêk viraşt. Bername de ame armanckerdene ke paştî bêra dayene serewedaritişê cinîyanê Îran û Rojhelatê Kurdîstanî. 

Xeylêk cinîyê aktîvîst, nuştox û sîyasetmedarî tewrê bernameyî bîyî. Bername de ame parekerdene ke serewedaritişê cinîyan ê Îran û Rojhelatê Kurdîstanî tesîrê pêro cinîyan ê dinya keno û sloganê 'jin, jiyan, azadî' bîyo sembolê azadî û serewedaritişî. Bername de ame waştene ke wa pêro merdimî paştî bidê cinîyan ê Îran û rojhelatî û verê qirkerdişanê rejîmê Îranî bêro girewtene.

Bername de hunermendî Tara Jaff û Sûna Alan û Fra Rustomjî û Farî Bradley vejîyayî sehne ser û dima cinîyan pîya govende girewte.