Bajarekê Pirdî yê şaristanê Kerkûkî yê Başûrê Kurdîstanî de cinîya astengdare hetê endamanê Heşdî Tirkmenî û polîsan ra ameye tecawuzkerdene û dîmenê nê serebûtî ameyî vilakerdene.Vizêr  seba şermezarkerdişê şîdet û îstîsmarê vera cinîyan RJAKî eşkerayîye daye.

Eşkerayîya RJAKî wina ya:
''Ma vera nê kerdişê gemarinî bêveng nêmanenê û seba şîdet û îstîsmarê cînsîyî ra pawitişê cinîyan  ma do çalakîyanê xo dewam bikerê. Hetê bînî ra ma dewam bikerê ke cinîyan derheqê heqanê înan de hîşyar bikerê û ma do bi armancê xelisnayîşê cinîyan û çinkerdişê serdestîya sîstemê perdeşahîye têkoşîn bikerê.

Rîyê qedexeyê vejîyayîşê teberî ra şîdetê vera cinîyan keyeyan de zêdîya. Ma sey RJAKî şarê Kerkûkî ra wazenê ke babetanê şîdetî û îstîsmarî sey babeta neteweyîye megêrê destî û nê babetan ser o cîyatîya neteweyî mekerê.

Ma wazenê ke cezaya tewr girane bêra dayene tecawuzkeran.''