Êlih de camêrdê bi nameyê Murat Atilganî merhaleyê verdayîşî de Tuba Atilgan (33)  bi çeke qetil kerd.

Tuba Atilgan gama ke mehleya Tilmerçî de otobuse pawenêne  raştê hêrişî ameye û cayê qewimîyayîşî de dinyaya xo bedilnaye. Wextê hêrişî de kênaya 16 serrîya ke durax de pawêtene guleyêk zî îsabetê aye kerd. Kêneya ke birîndare bîye, yena tedawîkerdene.

Canazaya Tuba Atilgan şawîyaye Morgê Nêweşxaneyê Cigêrayîş û Perwerdeyî yê Êlihî û kiştox Murat Atilgan ame destbendkerdene.