Unîversîteya Rojawanî ya  Qamişloyî de Forumê Şorişê Cinîyan ê Rojhelatê Mîyanênî yeno kerdene. Roja yewine ya Forumê Şorişê Cinîyan qedîyaye. Roja yewine de sûcê dewleta tirke ya îşxalkere yê vera cinîyan ameyî qalkerdene.

Roniştişê diyînî de Fermandaranê YPJyî ra Jîyane Tolhildan qisey kerd û vat ke armanco esas ê YPJyî pawitişê cinîyan û Şorişê Rojawanî yo. Tolhildane vat: ''Ma do herême projeyê neteweya demokratîke ser bivisnê. Ganî pêro cinîyî seba pawitişî xîret bikerê.''

Endama Merkezê Cigêrayîşî û Pawitişê Heqanê Merdiman Aynure Paşa vat: ''Şorişê Rojawanî sey Şorişê Cinîyan şinasîyeno. Çunke cinîyan her warê nê şorişî de ca girewto, serkêşîya şorişî kerda û xo îsbat kerdo. Cinîyî nezaretanê dewleta tirke de raştê tecawuz û îşkenceyî yenê. Cergî herême de cinîyan û domana remnenê, organanê înan diznenê roşenê. Cergan heta nika herême de zafê ci cinî û domanî 600 hezar kesî remnayê. Efrîn de 70 cinîyî, Serêkanîyê de 30 cinîyî raştê tecawuzî ameyê. Goreyê doneyanê merkezê ma 2018 ra heta 2022yî 118 cinîyî ameyê qetilkerdene, 216 cinîyî ameyî remnayene, 212 cinîyî birîndar bîyê, 117 domanî kişîyayê, 64 cinîyî ameyê remnayene û 252 domanî birîndar bîyê.''

Beşê peyênî de bi sernameyê 'hêrişê îdeolojî yê vera şorişê cinîyan çita ya?' endama Akademîya Jineolojî Zahîde Mamos qisey kerd û vat: ''Dewrê sîstemê kapîtalîstî de, hêrişê vera komelî, îradeyê komelî û cinîyan zêdîyayî. La 2011 ra nata destpêkê şorişî ra nata, xeylêk averşîyayîşî qewimîyayî. Cinîyan pêro waran de nasnameyê xo şinasna.''

Forum ewro zî do dewam bikero.