Gerîlaya YJA-Starî Azê Rojda vat ez şehadetê fermandaranê YJA-Starî ra Azê Malazgîrt ra dima tewrê gerîlayan bîya, mi  nameyê aye girewt û do rayîrê aye ser o şora.

Gerîlaya YJA-Starî Azê Rojda ard ziwan ke girewtişê nameyê gerîlayanê PKKyî tewirêkê qesasî yo û vat: "Ti nameyê înan nanî gênê, rayîrê înan ser o şonî û bi çalakîyanê înan danî dişmenan ro. Bi nê hawayî pîl beno. No cewabêko pîl o. Herinda embazanê ma yê şehîdan de bi desan ciwanê tewrê ma benê. PKK xo bi şehîdan xurt keno. Coka hêrişê psîkolojîkî û leşkerî yê dişmenî ê vera PKKyî qet nêqedîyenê."

"Wexto ke mi nameyê aye xo rê na pa ez kewta hîsêkê winasênî ke mi vatêne ez do nameyê aye newe ra ganî nika newe ra pîl bika û her hêla cuya xo de bi nameyê ci biciwaîya. Bi nameyê aye hînî barêk keweno milê to ser. Hetê manewî ra gamêka xurte, darbêka cîya ya ke dişmen ro yeno dayene. Mi dişmenî rê vat: 'Azê nêmerde, Ez Azê ya, bi hezaran Azê estê."