Rojnamegere Denîze Firata ke 2014 de hêrişê cerganê DAÎŞî de Mexmûr de şehîd bibî, serrgêra 8. ya şehadetê xo de Kampa Şehîd Rûstem Cûdîyî (Mexmûr) de ameye yadkerdene.

Merasîm hetê Dezgehê Keyeyanê Şehîdan ê Mexmûrî ra ame serûberkerdene. Merasîm de keyeyê Denîze Firat, embazê ci yê rojnamegerî û bi desan roniştoxê kampe amade bîyî. Merasîmî bi deqayêkê rêzgirewtişî dest pêkerd.

Dima embaza Firate rojnamegere Bêrîvane Tunç qisey kerd û ard ziwan ke Denîze Firat hêrişê DAÎŞî rayaumûmîye rê resnayêne û a nê oxirî de şehîd bîya. Tunçe vat: ''Ma do heta peynî peyê dewaya Denîze de şorê.''

Dima dadîya Denîze Firat Suktane Yildiztan qisey kerd û vat: ''Şexsê Denîze de ma şehîdanê çapemenîye yad kenê. Sey keyeyê ci ma do tim peyê dewaya Rayber Apoyî û şehîdan de bibê.''

Merasîm bi sloganan qedîya.