Cinîya şorişgêre Gulîstane Aksoya (Hêvî Gabar)  ke serra 2002 de tewrê têgêrayîşê azadîye yê kurdan bîye, 26ê temmuze de paytextê Almanya Berlin de ke tedawî dîyene, şehîd bîye.

Gulîstane Aksoya ke serranê xo ciwanîye de tewrê têgêrayîşê azadîye yê kurdan bîye xebatê ciwanîye û çapewenî zî tede xeylêk waren de falîyet rayra berd. Aksoya ke 25ê çeleyê 1987î de dewa Baqistanî ya Stewrêy Mêrdinî ameye dinya, 2002 de verê xo da koyanê azadan. Badê hêrişê DAÎŞî yê 2014î Aksoye narey verê xo dana Rojawan. Serra 2014î cepheyê Til Koçerî de gama ke vera çeteyan şer kena qorê xo ra bena birîndar. Bado ke biney detawî vînena, lezabeze reyna cephe de cayê xo gêna. 2015 de nizdê Serêkanîyê de pay nana mayinê çeteyan û reyna birîndar bena. Seba ke birînda ci zaf giran a, 2017 de semedê tedawî yena Almanya. Aksoya ke xeylêk rey ameye amelîyatkerdene, prosesê tedawîyo giranî de bêhal mande û 26ê temmuze de netîceya nêweşîye de dinyaya xo bedilnaye.

Cenazaya Aksoye ke bi teyaraya kargo ameye şawitene, ewro hetê merdiman û embazanê ci ra dewa Baqistanî ya Stewrê Mêrdinî de ameye definkerdene.