Endama Koordînasyonê PAJKî Ronahî Serhat bi wesîleya 8ê Adare Roja Cinîyan ê Kedkaran a Dinya ANFyî rê qisey kerd.

Qiseykerdişê Ronahî Serhat ra beşêk wina yo:
''Cinîyan ê kurdan roja ke tewrê PKKyî bîyê, ê wextî ra nata 8ê Adare kerdo mîladê têkoşînî û pê na mana 8ê Adare fîraz kerd. Ma têkoşînê ney kerd ke 8ê Adare manaya rojêka sembolîke ra biba roja têkoşînî.

Kurdîstan de cinîyî pê xopawitiş, rêxistinîye û têkoşîn 8ê Adare pêşwazî kenê. Gerîlayê cinîyî koyan de, şaristanan de her ca de temînatê azadîye yê. Vera artêşanê netewdewletean û cerganê sey DAÎŞî xopawitiş şert o. Tecrubeyê YJA-Starî koyanê Kurdîstanî de pê dersanê pîlan morê xo da binê tarîxî. Hetê bînî ra Rojawan de rêxistinbîyayîşê xopawitişê cinîyan ê YPJyî bîyo çimeyê îstîfadekerdişî yê dinya. Şingal de yewînê YJŞyî, Rojhelat de HPJ estê. Nê têna destkewteyê cinîyan ê kurdan nîyê. Ganî pêro cinîyî wayîrê înan vejîyê.

Sere de Amerîka, DYA, Rûsya her kes zaneno ke AKP û Erdogan seba xurkerdişê DAÎŞî her çi kenê.Heta ke meseleya Sûrîye çareser nêba gefê DAÎŞî do dewam bikero. Meseleya xopawitişî ganî teslîma kesî nêra kerdene. Wexto ke DAÎŞî hêrişê Şingalî kerd bi seyan merdimî ameyî qetilkerdene, cinîyan rê tecawuz ame kerdene.Iraq û PDK zî herême ra remayî. Nika zî nê hêzî xîret kenê ke hêzanê Şingalî vila bikerê. Eke ciwan û cinîyê Şingalî destûrê nê kerdişan bikerê hînî berê qirkerdişan akenê. Wa ê xopawitişî ra tawîz nêdê.

Welat de pêro cinîyî binê gef û tehlukeyan de yê. Ganî cinîyî pîya kom bibê û yewînanê xopawitişî awan bikerê. Pê kamyew metod hacet beno wa bibo wa cinîyî bieşkê xo bipawê.

Sîstemo kapîtalîst cinîyan rê fuhuş, objeyê reklam û pornoyî ferz keno. Alozîya janî bêkarî, krîzê komelî, pêro rewşê xirabî vetî werte. Merdimî hînî nêeşkenê pê sîstemê kapîtalîstî biciwîyê.  Cinîyî seba dinya sîstemêkê neweyî wazenê.

Emser 8ê Adare de cinîyî do tewirêkê radîkalî bimojnê û sîstemê serdestîya camêrdan ra hesab bipersê. Pêşwazîkerdiş û fîrazkerdişê 8ê Adare yeno manaya serewedaritiş. Cinîyî her serre pê mesajê mesajê azadîye, pê cewherê serewedaritişî tewrê 8ê Adare benê. 8ê Adare de cigêrayîşêko radîkal do bêro kerdene ke no cewherê fîrazîye serewedaritiş o, sîstemî ra hesabpersayîş o.

Embazanê ma Garê de destna nuşt. Netîceyê hêrişanê vera Garê hetê têgêrayîşê ma ra ameyî eşkerakerdene. 15 embazanê ma fermandarîya Şoreş Beytuşşebabî de xeta serkewtişî ya hemleya 'Wext wextê azadîye yo' mojna. Hêzanê gerîlayan pe taktîkanê gerîlatîye dişmen çin kerd.

Hemleya ma ya 'Vera qirkerdişê cinîyan wext wextê azadîya cinîyan û komelî yo' do xeta fedayî ya Garê de seba caardişê serkewtişî bêra kerdene û wezîfeyanê rayberîye bîyara ca.

seba caardişê serkewtişî bêra kerdene û wezîfeyanê rayberîye bîyara ca.

Cinî û ciwanî hêzê vurnayîşê komel û şorişî yê, ganî ê ciwanî payan ser o vindarnê. Wext wextê azadîye yo. 8ê Adara 2020î de têkoşîno radîkal û zengîn qetî do ser bikewo. Çalakîyanê îdeolojîk, leşkerî û sîyasîyan de karê ma yê awankerdişî do dewam bikerê. Ma do bi ruhê Garê cewab bidê hêrişanê vera cinîyan.

Ma serra 2021î sey serra cinîyan pêşwazî kenê, çalakîyan ra heta huner û sporî ma do bi erjanê azadîye pêro waran bixemilnê, bizêdînê.''