Bi hezaran şerwananê têkoşînê azadîye yê Kurdîstanî seba ameyoxêkê azadî ganê xo feda kerdî. Gerîlaya YJA-Starî Binveşe Vejîn zî nînan ra yew bîye.

Binveşe Vejîn (Yonca Gokalp) Wan de dadîya xo ra bena û mîyanê welatperwerîye de bena pîl. A hema ciwanîya xo de pê hesîyena ke şarê kurdî rê asîmîlasyono kulturel yeno ferzkerdene. Binevşe verê nê kerdişan de bêveng nêmanena û 2014 de pa xala xo tewra gerîlayan bena.

A Koyê Katoyî de dest pê rayraşîyayîşê azadîye kena û dima Zap, Çarçêla, Xakurkê, Metîna û Garê de pratîk kena. Gerîlaya YJA-Starî Binevşe Vejîn îdeolojîya Rayberê Şarê Kurdî Abdullah Ocalanî ser o xo aver bena û tim xeyal kena ke rojêke ey Sûranê Amedî de bivîna.

Vejîne nê xeyalan ra wina behs kena: ''Seba ke ez xeyalê xo bîyara ca çi hewce bibo do bikera. Nê oxirî de eke hewce bibo ez do ganê xo bida. Eke ez nêeşka bikera zî embazê mi do bikerê.''

Binevşe têgêrayîşê azadîye mîyan de tewr zaf têkilîya embazîye rê bitesîr bena. Fermandaranê serkêş û sembolanê Hemleya Şorişgêre ya Şehîd Savaş Maraşî ya Cengê Xabûrî Binevşe Vejîn pa embazanê xo seba ameyoxêkê azadî heta nefesê xo yê peyênî têkoşîn kerd.

Aye 26ê teşrîna peyêne ya 2022yî de Warê Xoverdayîşî yê Girê Hekarî de pa embazanê xo Amed Avesta û Baran Çirav şehîd bena.