Meclîsê Sûrîyeya Demokratîke (MSD) komxebata bi nameyê  ''Cinîye û girîngîya tewrbîyayîşê cinîyan ê sîyasetî'' serûber kerde. Temsîlkar û endamê Partîya Roja Demokratîke, Partîya Ameyoxê Sûrîye, Partîya Îtîfaqê Kurdan a Sûrîye, PYD, û Konseya Neteweyîye ya Ereban zî tewrê komxebate bîyî. Komxebate Qamişlo de hetê Komîteya Cinîyan ra ameye kerdene. 

Endama Îdareyê Buroyê Cinîyan ê MSDyî Canda Mihemed komxebate de qisey kerd û îfade kerd ke cinîyî destpêkê şerê Sûrîye ra nata rastê hêrişan yenê. Canda ard ziwan ke cinîyî sîyaset de tewr vernî de ca gênê.

Qiseykerdoxanê komxebate rexne kerd ke birê ke cinîyan rê do xizmet bikerê nêameyî girewtene. Cinîyan beyan kerd ke Rojawan de warê sîyasetî de cinîyî rastê astengîyan yenê.

Beşê diyînî yê komxebate de prosesê tewrbîyayîşê cinîyan ê seba sîyasetî ame nîqaşkerdene. Cinîyan bi hawayêkê xurtî pare kerd ke ganî cinîyî sîyaset de zêdêr aktîf bibê û nîşan da ke zehmetîyê ke cinîyî rastê ci yenê kulturel, komelkî, sîyasî û ekonomîk ê.

Beşê peyênî yê komxebate de ame nîqaşkerdene ke seba ke cinîyî sîyaset de zêdêr aktîf bibê kamyew rayîrî ganî bêrê teqîbkerdene. Beşê peyênî de ame îfadekerdene ke ganî cinîyî seba sîyasetî bêrê teşwîqkerdene seba naye zî tay krîterê sey demokrasî, heqanê merdiman û cuya têdûşte sîyaset de ganî serwer bibê.