Dêrsim de Wendekara Zanîngehê Munzurî Gulîstane Doku 140 rojan ra nata vînbîyaye ya. Xeylêk cinîyan medyaya komelkîye de seba ke Gulîstane Doku bêra dîyene pê hashtagê “#WhereIsZaynalAbakarov” veng da. Cinîyan waşt ke Gulîstane cade bêra dîyene.

Cinîyan pê hashtagê “#WhereIsZaynalAbakarov” persa ke Zainal Abarakov ça de yo. Hashtag kewt rojdemê Tirkîya û welatanê bînan. Hashtagî de nê çîyî ameyî parekerdene: ''140 rojan ra nata cinîyêka ciwane vînbîyaye ya! Vergumano verên Zainal Abarakov verê çimanê her kesî de rema teberê welatî û keyeyê ci zî hewilîya. Ganî rojdemê dinya Gulîstane bibo, ganî Gulîstane bivînê! Ma do dewam bikerê ke Gulîstane bipersê. Tay kesî pê ney qayîl nêbîyî. Ma ne persayîşê aqîbetê Gulîstane ra ne zî caardişê têgêrayîşê azadî yê cinîyan ra do fek vera nêdê.“#WhereIsZaynalAbakarov” ''