Wendekara Zanîngehê Munzurî Gulîstane Doku ê çeleyî ra nata vînbîyaye ya.  Cinîyan medyaya komelkîye de aqîbetê Gulîstane persa. Cinîyî pe hastagê ''#Barajlarboşaltılsın'' (Wa awbendî bêrê vengkerdene) medyaya komelkîye de bîyî rojdem.

Hastagî reyde nê çîyî ameyî vatene: ''Ma venga ê kesan danê ke vanê Gulîstane awbend de ya. Seba ke Gulîstane bêra dîyene wa cigêrayîşêko bitesîr bêro kerdene. Seba ke Gulîstane bêra dîyene, cinîyî biciwîyê ma 120 rojan ra nata persenê. La selahîyetdarî? Şima zî versûcî ra îfade nêgirewt û verda ke biremo. Ma zanenê ke eke awa awbendî çend tay biba ma eşkenê bizanê ke se bî Gulîstane rê. Seba Gulîstane hînî xebatêka aktîfe bêra kerdene û wa awbendî bêrê vengkerdene.''

Cinîyê elewî zî bi vîdeoyan tewrê aktîvîteyî bîyî û vat: ''Kênaya vînîbîyayeye ya Dêrsimî Gulîstane Doku kotî de ya? Ma senî ke peyê cinîyan xo yê bînan ê vînîbîyayeyan canêverda ma do peyê Gulîstane zî cameverdê.''