Mabênê rejîmê Şamî û îdareyanê taxanê Şêxmeqsûd û Eşrefîyê de seba bedilnayîşê esîran peymanêke amebî kerdene. Safhaya diyîne ya bedilnayîşê esîran seba ke şerwanê YPJyî vera nêdîyayî ameye taloqkerdene.

Goreyê peymane ganî ewro 285 esîrî û 161 tepişteyî do biameyêne bedilnayene. La komîteya peymane dîyar kerd ke îdareyê Şamî madeyanê peymane îhlal keno û şertê vengkerdişê zîndanan nêano ca.

Hemsereka Meclîsê Pêroyî Hêvîne Silêman vat: ‘’Madeyanê girîngan ra yewe zî vengkerdişê zîndanan bi. Ma ney rê amade bîyî la îdareyê Şamî veradîyayîşê şerwananê YPJyî qebul nêkerd.’’

Îdarekarê Hêzanê Asayîşê Zereyî Qehreman Bekîrî vat: ‘’Teqaso verên bi serkewtişî qedîyabi. La teqasê gruba diyîne de îdareyê Şamî proses teng kerd.’’

Rîyê tewirê rejîmê Şamî ra proses zelal nîyo.