Sefanê YPJyî de cinîyêka sûryanîye

Botana efrinije ke mecbur mend ke semedê herra xo şer bikero ard ziwan ke bi naskerdişê xeta cinîye ya YPJyî a bîye wayîrê îradeyê xurtî û vat heta peyser girewtişê Efrînî ez do têkoşîn bikerî.

Şorişê Rojawana de sey şerwana YPJyî Nişa Yîgît Botan xeylêk merdimî estî. Hele ameye babî û lajê xo eynî mewzîyan  de şer kerd, hele ameye dadî, kêna, lajê  pêro pîya keyeyêkî çeke girewtî herra xo pawite. Hema zî Hêzê Pawitişî yê Komelî (HPC) têkoşîn xo rê dewam keno.

Şerwanê YPJyî Nîşa Yîgît Botan 19 serre zewjîyena û kênayêka ci bena.  Wextê şerê Efrînî de mêrdeyê ci tewrê YPGyî beno û demêko kilm de şehîd keweno. Botane zî seba ke qesasê embazanê xo yê ke şehîd bîyî bîgêro û herra xo bipaweo verê xo dana sefanê YPJyî.

Nîşa Yîgît Botana ke derheqê tewrbîyayîşê xo yê YPJyî de qisey kerd nê vatî:  ''Komel de cinî têna wanena, zewcîyena û miqatê qican bena. Tesîrê keye û dewlete cinîyan ser o zaf o. Mi ser zî wina zextê komelî estbi coka ez ameya zewijnayene. Kênaya min a yew û nêm serre esta.  Serra ke ez zewijîyaya Efîn de şerî dest pêkerd. Mêrdeyê mi tewrê şerê Efrînî bi û aşma verêne de şehîd kewt. Pîya bi şehadetê mêrdeyê mi şehadetê embazan mi ser zaf tesîr kerd.''

Botane wina dewam kerd: ''keyeyê ma çend welatpewerbî zî nêwazenê cinîyî tewrê şerî bibê. Bitaybetî zî cinîyê zewijnayeyan rê destûr nêdanê. Netîceya têkoşînê mi de ez zî tewrê YPJyî bîya ke çeke mêrdeyê xo bîgerê û gonîya ey erdî meverdê. Gama verêne ke ez tewr bîya mi vatêne qey zaf zehmeto. Seba ke kênaya mi zî esta mi vatêne qey ez nêeşkene şer bikerê. La hela ke mi xeta cinîye ya YPJyî nas kerd îradeyê mi aver şi û ez bîya xurtêr. Hînî bawerîya mi mi ra esta ke ez semedê welatê xo û şehîdan şer bikerê. Eke hedefê merdime/î bibî çîyêk nêeşkeno vernîya ci bîgêro.''

Botane ard ziwan ke a sey cinîya sûryanîye partîye zaf nasnêkerdene cunku sûryanîyî tim têna ameyî verdayene û kerd ser: ''Ma xo ne kurdan rê ne zî ereban rê nizdî dîyêne. Ez senî vajî, ma sey qewmî têna ameybî verdayene. Esle xo de bi felsefeya Rayber Apoyî ma dî ke ma têna nîyê. Ez sey cinîyêka suryanîye û dadîye semedê heme şaranê bindestan tewrê YPJî bîya ke perspektîfê Rayberîye nê bigeyî de yê. Cinî her ca de rayber a.  Hedefê ma peyser girewtişê Efrînî yo. Seba ke şarî heyna agêrê herra xo û pîya biciwîyê ez do şer bikerî.''