Rojnamegere Rûkene Cemal û Endama Merkezê Çapemenîye ya YPJyî Rejîne Lezgîn qala şerwana YPJyî Arîne Mîrkan kerde.

Rojnamegere Rûkene Cemal vat: ''Wexto mi Arîne şinasnaye, a ciwan bîye. Arîne şerwanêka bicoş, kelecan û aktîf bîye. Ma nêeşkenê Xoverdayîşê Kobanê xo vîrî ra bikerê. Kobanê bi keda Arîn Mîrkanan xelisîya. Pêro dinya û çar parçeyê Kurdîstanî seba Kobanê weriştbî payan ser. ''

Endama Merkezê Çapemenîye yê YPJyî Rejîne Lezgîn vat: ''Her ca de hêdî qala Arîne ameyêne kerdene. Dima mi Arîne şinasnaye. Rîyê ci ra coş û embazîya ci aseyayêne. Aye wexto ke karêk kerdêne tam kerdêne. Tîma Arîne de 4 embazê cinîyî estbî. La aye waştêne wa hûmara înan zêdêr biba. Embaze Arîne fedakar, bêhesab bîye. Dima ke seferberîya Kobanê dest pêkerd embaze Arîne pêşnîyazê xo bi israrî vat. Embaze Arîne çalakîya xo bi serkewtişî kerde û bîye şehîd. Çalakîya embaze Arîne rewşa şerê Kobanê mojnayêne. Cinîyê ke cuya Arîne xo rê kerd esas, tewrê şerî bîyî.''