Xeylêk şaristananê Ewropa de serewedaritişê 'jin, jiyan, azadî' yê şaranê Rojhelatê Kurdîstanî û Îranî bi çalakîyan ame selamkerdene û kerdişê rejîmê Îmraliyî ameyî şermezarkerdene.

Şaristanê Londonî yê Îngilîstanî de çalakîye de fotografê Jîna Emînî ameyî akerdene, sloganê 'jin, jiyan, azadî' ame vatene. Qiseykerdişan de ame vatene ke dewleta Îranî çar menganê peyênan de tewr tay 500 kesî çalakîyan de qetil kerdê la rixmê ney zî çalakîyê şarî dewam kenê. Çalakîye de venga pêro merdiman ame dayene ke dormeyê sloganê 'jin, jiyan, azadî' de bêrê yewca û sîstemanê tedakeran birijnê.

Paytextê Norwêçî Oslo de rayraşîyayîşêk ame kerdene. Rayraşîyayîş de bêmabên sloganî ameyî vatene û cezayê îdamî yê rejîmê Îranî ameyî protestokerdene. Çalakîye qiseykerdişan ra dima qedîya.

Paytextê Swêdî Stockholm de bi beşdarîya PJAK, KJAR, KOMELE  Federasyonê Esrê Anarşîst û Platformê Îranijan ra mîtîngêk ame kerdene. Qiseykerdişan de ame vatene ke serewedaritişê Rojhelat û Îranî serkêşîya cinîyan de dest pêkerdo. Çalakîye bi sloganan qedîyaye.