Şaristanê Silêmanî yê Başûrê Kurdîstanî de çalakîya rayberîya Rêxistina Cinîyan ê Azadan ê Kurdîstanî (RJAK) de astengkerdişê tedawîya tepişteya sîyasîye Zeynebe Celalîyan û hêrişê cergan ê vera cinîyanê Efrînî ameyî protestokerdene.

Çalakîye Baxê Giştî de ameye kerdene û xeylêk aktîvîstê sivîlî û çar parçeyanê Kurdîstanî ra cinîyî tewrê çalakîyî bîyî.

Çalakîye de bi nameyê  RJAK û Komîteya Cinîyan ê Rojhelatê Kurdîstanî eşkerayîyî ameyî wendene. Eşkerayîyan de hêrişê vera cinîyan ameyî şermezarkerdene û mesajê yewbîyayîşî û xurtkerdişê têkoşînî ameyî dayene. Cinîyan veng da ke wa vera rewşa tepiteyanê sîyasîyanê ke zîndananê Îranî de yenê tepiştene bêveng mero vindetene