Komîsyonê Cinîyan ê KNKyî û Yewîya Cinîyan a Kurdîstanî do siba Salona Tewarî ya Silêmanî de rewşa cinîyan ê kurdan ser o bi şîarê ''Qirkerdişê cinîyan rê bes o'' panelêk virazê.

Panel de verî Hemsereka KNKyî Zeynebe Murad û Sekretera Yewîya Cinîyan a Kurdîstanî Kafîye Silêman qisey bikerê. Çarçewa panelî de 5 babetî do bêrê nîqaşkerdene ke nê babetî wina yê; şîdetê vera cinîyan, tepişîyayîşê cinîyan, tesîrê kultur û qanûnan ê vera cinîyan, binê tedaya sîyasîye de rewşa cinîyan, rewşa cinîyan ê êzidîyan.

Wina pawîyeno ke çar hetanê Kurdîstanî ra aktîvîst û wekîlê cinîyî zî tewrê panelî bibê.