Gerîlayê HPG‘yî Bakur Silêmanîyî yo ke Vîyane hem keye hem zî hevalanê  aye yê rêxistine ra şinasneno, serrgêra 13’ine  ya  Vîyane de qisey kerd.

Vîyan Sorane  (Leyla Walî Hûseyîne) ya aşîreta Cafî ya Başurê Kurdistanî ra ya, hem vera tasfîyekarîya zereyî û hem zî vera komploye, 2’yê Sibate 2006 de adir nabi bedenê xo ra û bi no qeyde prosesêko newe da destpêkerdiş. Bakur Silêmanî zî kesê ke tesîrê xoverdayiş û mucadeleyê aye de mendê ra yew o. Qaso ke Silêmanî vano wexto ke hîna doman bîyo nameyê aye bi xoverdayîş û mucadele heşnayo û PKK zî saya şerê aye de şinasnayo.

ÇIRA YEW CINÎYA BAŞURÎYE

Silêmanî serra 2013î de kewto bi cigêrayîşan û xo ra pers kerdo û vato, “ çi ra yew cinîya başurije seba Rayber Apoyî xo bivêşno ke?“ û kewto dima cewabê na perse. Pey cû fehm kerdo ke Vîyan Sorane bi çalakîya xo, şexsê Rayber Apoyî de cewab dayo komploya vera Kurdan. Silêmanî a roje ra dima cigêrayîşanê xo hîna avêr beno û vîneno ke çalakîya Vîyane, seba mîlîtanan  bîya xêza xoverdayîşî.

SEBA KE ÇÊKÊ AYE ERD DE NÊMANO

Silêmanî, mektubanê Vîyane yê merdene ra ver pêser pêser waneno û wazeno ke hetê fehm û mucadeleyî ra aye û rêxistinê aye baş bişinasno. Silêmanî no derheq de wina vano: “Aye bi çalakîya xo, nameyê xo rîpelanê tarîxî ra da nuşnayene.Çîyo ke ma rê mend, mektubê aye, çalakî û şehîdbîyayîşê aye famkerdiş û xêza aye dimnayiş o . Aye mektuba xo de vatbî keyeyê mi ra yew çêkê mi bigîro û erd de meverdo. Naye ser mi dî ke biserran kes beşdarê rêxistine nêbîyo û çêkê aye erd de mendo. A roje ez zî beşdarê rêxistine bîya û mi çêkê aye kerd berz.

NA RÊXISTINA VÎYAN Û ZÎLANAN A

Dişmenê Kurdan kenê ke mabênê şar û Rayber Apoyî, yan zî mabênê gerîla û Ocalanî bixerepnê, la îmkana ney çin a. Ney xo vîr ra kenê ke na rêxistine rêxistina Vîyan û Zîlanan a. Na rêxistine wayîrê xoverdayoxanê pîlan a.

Wesîyeta Vîyane ancax Rayber Apo ke bibo azad yena ca. Ma hîna zî seba ke bi mucadele cewab nêdayo Vîyane xo rexne kenîme û no derheq de qerardar îme.“

GANÎ BAŞUR HÎNA ZÊDE WAYÎRÎYE BIKERO

Silêmanî ano vîrî ke Vîyane Başurîye ya û vano her kesî ra ver ganî keyeyê aye û pêroyê şarê başurî, aye û mucadeleyê aye rê wayîrîye bikero. Silêmanî qisaya Vîyane ya “ Xo vîr ra kerdene îxanet o“ arde vîrî û va ma şarê Başurî ganî layiqê mucadeleyê aye bîme.“

Silêmanîyî peynîya qiseykerdişê xo de venga ciwanan da û va:“Başurê Kurdîstanî de şoreş xeylî dolimî nêmê mend û xeylî bedelî ameyî dayene. Naye ra zî ciwananê Başurî de hîsîyatê bêhêvîyîye peyda bîyo. Erd û welatê ma hîna zî azad nîyo. Ganî ma vajîme her roj merdene ra zîyaderî bi şeref û anorê xo, bi mucadele vera dişmenanê xo de yew roje merdene hîna baş a. Ganî ma vajîme ma pêro Vîyan îme.“