Zîndanê Cinîyan ê Kayserî hê hêrişê vera tepişteyan her roje zêdîyeno. Nazli Spglîn 29ê nîsana 2020î de pê rayîrê telefonî keyeyê xo reyde qisey kerd û derheqê rewşa zîndanî de zanayîşî dayî û vengkerdiş kerd.

Hewteyê vîyarteyî de zî Roja Tokçuya ke nêweşa çolyakî ya krîzêk derbaz kerd. Nazli Solgun û Merve Aydogan ê ke yeno şikkerdene ke tede vîrusê Korona esto înan rê test nêno kerdene. Sglîne waştişname û mektubêk CHP û Odaya Tabîban ra erşawitî labelê îdareyê zîndanî mektub teslîm nêkerd.

Soglîne keyeyê xo rê vat ke gardîyanî pê kamerayan dîmenê qiseykerdişê pê telefonî gênê û înan rê heqaretan kenê.

Soglîne ard ziwan ke mengêke de 6 reyî înan rê cezaya dîsîplînî ameye dayene û vat: ''Têkilîya zîndanî teberî reyde ameye birnayene. Hînî avûkatî zî keyeyî zî nêeşkenê pêvînayîş bikerê. Gardîyanî nêweşê çolyakî nêbenê nêweşxane. Waştişnameyê ma hetê dozgerîye ra peygoş benê. Tîya de ma terkê mergî kerdî. Ez venga rayaumûmîye dana de bala xo bida na babete ser.''