Sozdare Avesta: Cinîyî seba awankerdişê estbîyayîşî astengîye nêşinasnenê

Endama Konseya Rayberdişî ya KCKyî Sozdare Avestaya ke bi vîdeoyêkî beşdara konferansê Şingalî bîya vat: ''Cinîyê êzidîyî 9 serrî yo destanan nusenê. Cinîyî seba awankerdişê estbîyayîşê xo astengîyêke nêşinasnenê.''

Şingal de konferansê ''Bi Jin, Jiyan, Azadî ver bi şorişê cinîyan'' yeno kerdene. Konferans de ercnayîşê Rayberê Şarê Kurdî Abdullah Ocalanî yê serê cinîyan ameyî wendene û mesajê vîdeoyî yê Endama Konseya Rayberdişî ya KCKyî Sozdare Avesta ame mojnayene.

Endama Konseya Rayberdişî ya KCKyî Sozdare Avesta mesajê xo de hêverî beşdarê konferansî selam kerdî û no mesaj da:

''Ewro ma vînenê ke cinîyî vera her tewirê koçberîye, qirkerdiş û talanî perwerê erdê xo yê, vera talankerdişê xoza erdê xo pawenê, welatê xo nêteriknenê, welatperwerîye aver benê û awankerdişê komelbîyayîşî de israr kenê, verê qirkerdişan gênê. Îradeyê Rayberê ma rêxistinîya cinîyan aver berd. Rêxistinbîyayîşê cinîyan bi artêşbîyayîşê dîya destpêkerdene û bi konfederalîzmê demokratîkî dewam keno. Nika dinya ver bi konfederalîzmê cinîyan şina. Têkoşînê cinîyan o yewbîyaye pêro Kurdîstan, Êzidxan û teberê welatî de yeno kerdene. No têkoşîn hînî têkoşînê estbîyayîşî yo. Cinîyî seba awankerdişê estbîyayîşê xo astengîyêke nêşinasnenê û têkoşînê xo hîra kenê.

Tecrîdê vera Rayber Apoyî meseleyanê tewr girîngan ra yew a ke ganî bêra çareserkerdene. Îqtîdarê serdestîya camêrdan Rayber Apoyî ra qesasê xo gênê. Seba ke Rayberîye cinîyî rêxistin kerdî ê ey tecrîd kenê. Têkoşînê azadîya cinîyan do serra 2023yî de dinya de bi taybetî Kurdîstan de bi serkêş. Cinîyê êzidîyî 9 serrî yo destanan nusenê. Şima serkêşîya rêxistinkerdişê komelî kenê. Sey beşdaranê nê konferansî ganî şima fikr û felsefeya cuya azade bi şîarê 'Jin, Jiyan, Azadî' bi rêxistin bikerê. Wisarê 2023yî de wisarê cinîyan û şorişê cinîyan hînî prosesêkê neweyî de yê. Êzidxan de şima do her warî de bibê serkêş. Nê bingeyî ser o ez şima selam kena.''

Konferans semîneran ra dima qedîya.