Komîteya Îttîfaq û Tekîlîyanê Demokratîkan a KJKyî derheqê qetilkerdişê Nagîhane Akarsel de eşkerayîye daye û nê vatî:

Endama Akamedîya Jienolojî û Têgêrayîşê Cinîyan ê Azadan ê Kurdîstanî Nagîhan Akarsel netîceya sûîkastî de ameyî qetilkerdene. Ma nê hêrişî şermezar kenê. Ma dewleta tirke şermezar kenê ke vera serkêşanê şorişê cinîyan ê Kurdîstanî polîtîkaya qirkerdişî rayra bena.  Nagîhane Akarsel ewro serê sibayî bajarê Silêmanî yê Başûrê Kurdîstanî de ameye qetilkerdene. Nagîhane Akarsel nizdê 30 serran o ke mîyanê têkoşînî de ca gêna sey rojnamegere- nuştoxe û pê xebatanê jineolojî mîyanê komelê kurdan  û cinîyan de yena naskerdene.

 Bitaybetî 10 serranê peyênan de dewleta tirka faşîst a dişmenê cinîyan pê qetilkerdişê serkêşanê cinîyan wazena ke Kurdîstan de verê şorişê cinîyan bigêro.  Na çarçewa de qirkerdişê Parisî yê vera Şehîde Sakîne Cansiz û qirkerdişê Kobanê ke serkêşê Kongra Starî ameyî hedefgirewtene pabesteyê sûîkastê vera hemraya ma Nagîhane Akarsel ê. Dewleta tirka faşiste seba ke têkoşînê ma, îradeyê ma yê şorişî bişikino hêrişê cinîyan ê serkêşanê têkoşînî kena. Pê nê hêrişan kena ke têkonîşê ma yê azadîye tesfîye bikero.

Serranê peyênan de Başûrê Kurdîstanî de hêrişê dewleta tirke yê vera endamanê Têgêrayîşê Azadîye û welatperweran zêdîyayî. Yew serra peyêne de xeylêk sûîkastî ameyî kerdene. Seba ke heme hêrişî Silêmanî de bîyî  Hukmatê Herêma Kurdîstanî zî berpisîyar o.  Dewleta tirke ya dişmenê kurdan herra ke binê kontrole hêzanê kurdan de ya wina cînayetanê wehşîyan kena ke no nîno qebulkerdene. Îdareyê Silêmanî ganî  cade qetilkeran tepişo û semedê pawitişê kurdan tedbîran bigêro.

Hêrişkarî se kenê wa bikerî do meeşkê verê ma bîgêrî. Nêeşkenê verê şorişê cinîyan bîgêrê. Eke ma ra yew bibê kêm bi hezaran herdinda ci kenê pirr. Na raştîye ewro tewr zaf Rojhelatê Kurdîstanî û Îran de serhildanê vera qetilkerdişê Jîna Emînî de esena. Ma veng danê cinîyan ke wa vera polîtîkaya qirkerdişî tewir bigêrî. Ma serewedaritişê xo biaçarnê şorişê cinîyan û heme rejîmanê faşîstan ê dişmenê cinîyan birijnê.’’