Cinîyan Stockholm û şaristananê  bînan ê Swêdî de şîdetê camêrdan ê vera cinîyan protesto kerd. Saete 12:30 de komêka kurdîstanijan Stockholm de kom bîye çalakîyêke kerde.

Saete 14:00 de zî şaristanê Uppsala de Înîsîyatîfê Cinîyan Meydanê Stora de pê pankarta ''Cinîye, Cuye, Azadîye'' şîdetê meran protesto kerd.

Şaristananê Orebro, Karlstad, Gavle û Soderhamnî de zî cinîyî vejîyayî meydanan û şîdetê camêrdan ê vera cinîyan protesto kerd. Çalakîkeran alayê Têgêrayîşê Cinîyan ê Kurdan (TJK) berz kerdî û sloganê ''Cinîye, Cuye, Azadîye'' vate.

Bi eynî waştişî yew çalakî zî paytextê Danîmrka Kopenhag de ameye viraştene.