Swîsre û Almanya de çarçewa Kampanyaya '100 Sebebê Seba Hukmkerdişê Dîktatorî' de çalakîyî ameyî kerdene û îmzayî arê dîyayî.

Bern

Cinîyanê aktîvîstan rayberîya Meclîsê Cinîyan ê Mizgîne şaristananê Bern û Fribourgî yê Swîsre de çarçewa Kampanyaya '100 Sebebê Seba Hukmkerdişê Dîktatorî' de îmzayî arê dayî.

Aktîvîste û Hemsereka NCKDyî ya Bernî Hinare Dîlmeç ANFyî rê qisey kerd û venga pêro cinîyan da ke wa tewrê kampanya bibê. Dîlmeçe vat: ''Vindarnayîşê Erdoganî pê xurtkerdişê têkoşînî mumkîn o.''

Aktîvîste Rabîa Baldemîr zî da zanayene ke şar eleqeyêkê pîlî mojneno kampanyaya înan.

Duisburg

Şaristanê Duisburgî yê Almanya de rayberîya Meclîsê Cinîyan ê Şehîde Asya Yuksel de çalakîya 'hukmkerdişê dîktatorî' hewteyê 4. de dewam kena. Çalakîye de qiseykerdişî ameyî kerdene û îmzayî arê dîyayî.

Cinîyan venga her kesî da ke tewrê çalakîya 6ê sibate bibo.

Stuttgart

Şaristanê Stuttgartî yê Almanya de rayberîya Înîsîyatîfê Cinîyan ê Meryeme de çalakîya 'hukmkerdişê dîktatorî' ameye kerdene. Çalakîye de îmzayî arê dîyayî.