Cinîyan Anqara de fînalê kampanyaya ''Têkoşînê cinîyan her ca de yo'' ya ke hetê  Meclîsê Cinîyan ê HDPyî û Têgêrayîşê Cinîyan ê Azadan  (TJA) ra ameye destpêkerdene kerd.

Eşkerayîya ke Parka Kugulu de ameye kerdene de Veravatoxa Meclîsê Cinîyan a HDPyî Dîrayete Dîlan Taşdemîr qisey kerd. Taşdemîre vat: ''Êyê ke ma nasnêkene û îradeyê ma çîn hesibnenê ma vera înan vejîyayî meydanan û kuçeyî kerdî mor. Ma îşkencekerdoxanê xo rê vat ke ma tîya yê. Ma vera înanê ke qetilkaranê ma pawenê vengê xo berz kerd. Ma hêrsê xo açarna serwedaritişî. Ma dîyî ke cinîyî pîya jîhat ê. Ma dîyî ke eke cinîyî rêxistinkerde pîya têbigêrê vera zîhnîyetê darbekerî eşkenê aver şirê.  Hêrişî nêeşkayî verê ma bîgêrê. Ma paştî da yewbînan û bîyî vengê yewbînan û ûmidê kerdê heqbeyê xo. Ma heqanê xo yê fînayî dest do însafê şima rê cameverdê. Ma çirey têna rayra nêşinê.''