Endama Meclîsê Cinîyan ê HDPyî Nadîye Gurbuz qirkerdişê cinîyan û hêrişê vera dezgehanê cinîyan ANFyî reyde ercnayî.

Gurbuze bale ante qanûnê înfazî yê îqtîdarî ser û îfade kerd ke îqtîdar wazeno krîzê janî seba xo bikero firsendêk.

Gurbuze vat: ''Rejîmê faşîst û nîjadperestî bi taybetî hêrişê cinîyan kenê. Nika zî xîret kenê ke heqê ke cinîyan vist destî werte ra wedarê. Prosesê janî zî seba nînan bi firsendêk. Dewlete îstîsmarkerî vera dayî. Cinîyê ke prosesê janî de keye de mendî vera nînan xeylêk şîdet ame kerdene. Keyeyî seba cinîyan biasayîş nîyê. 

Komeleya Cinîyan a Roza, komeleyêka cinîyan a ke bi hawayêkî qanûnî ameye awankerdene Embazê ma yê cinîyî yê endamê TJA û yê Komeleya Rosa bi serran o ke mîyanê têkoşînî de yê. Balkêş o ke çalakîya vera qanûnê îstîsmarî yê Amedî ra dima nê ameyî tepiştene.

Dewlete nînan krîmînalîze kena. Embazê ma yê camêrdî bi îdîaya 'endamê nimitkeyî' ameyî tepiştene. Tîya de eqlê camêrdî esto ke vano cinîyî nêeşkenê xo îdare bikerê, peyê înan de camêrdî estê. Ma heta niha zaf rastê şîdetê polîs-dewlete bîyî. La reyna zî cinîyî bêveng nêmendî. No têkoşîn seba ma sey bingeyê cuye yo. ''

Gurbuze ard ziwan ke seba şîdetê camêrdî yan zî qirkerdişî xeylêk bahane estê û dewlete zî goş nana nê bahaneyan ser. Wextê peyênî de binê nameyê xokiştişê cinîyan de xeylêk serebûtê kiştişê cinîyî vejîyayî verê ma ke hema hema pêro şikdar ê. Zafanê înan şîdetê camêrdan dîyêne. 

Gulîstane Doku zî înan ra yew a. Kiştox pê zanayîşî yeno pawitene. Vernîyazê ma de ke ma pêşkêşê parlamento kerd, destûr nêno dayene ke nameyê kerdoxan zî bêrê vilakerdene. Seba ke ma ra yewna bîne kêm nêba ma do têkoşînê xo dewam bikerê.''