Endama Meclîsê Partîye yê HDPyî Nadîya Gurbuz derheqê nîqaşê batalkerdişê Peymana Îstanbulî de qisey kerd û ard ziwan ke ê do Peymana Îstanbulî ra fek vera nêdêr. Nadîya da zanayene ke mumnkîn nîyo ke ê herinda Peymana Îstanbulî de peymanêka bîne qebul bikerê.

Nadîye Gurbuz vat: ''Vatişê Erdoganî yê 'Ma do vajê Krîterê Anqara û derbaz bibê.' tam aqlê camêrdan o. Kodê AKPyî vera têkoşîn û azadîya cinîyan ê. Têna AKP zî nê partîyê bînî yê meclîsî zî wayîrê aqlêkê winasênî yê. Tewiranê cinîyan ra dima îqtîdar bêgame mend û tay kombîyayîşê xo taloq kerdî. Nika zî nê welatî de sebebê geşbîyayîşê muxalefetê komelkî cinî yê. Ê pê naye hesîyayî ke komelêko winasên meseleya kurdani krîzê konomîkî, meseleyanê şerî de zî bi hawayêkê cidîyî do têbigêro. Coka hende zêde hêrişê beşê tewr dînamîkî yê komelî kenê. Kurdîstan û Tirkîya de têna cinîyî wayîrê têgêrayîşêkê yewbîyayî yê. Yeno waştene ke cuya cinîyan wa girêdayîyê cûya camêrdan biba. Wazenê cinîyî goreyê krîteranê înan biciwîyê.Ma do Peymana Îstanbulî ra wina rehet fek vera nêdê. Ma do seba caardişê Peymane têkoşîn bikerê.''