Daydîyê Şeme seba ke aqûbetê vîndîbîyayenê xo bipersî, reya 706. vernîya Komeleya Heqê Merdiman (ÎHD) yê Şûbeyê Stenbolî de ameyî têhet û kewtê rayîrê Meydanê Galatasarayî. La polîs destûr çalakvanan nêda û hêrişê ci kerd.

Hemsereka Partîya Demokratîke ya Şaran (HDP) Pervîn Buldane ya pîya parlamenterê HDPyî Huda Kaya, Garo Paylan, Oya Ersoy, Sauhan Oluç zî tewr rayîrraşîyayîşî bîyê.

No hewte aqûbetê Ayhan Efeogluyî ame persayene. Eşkerayî hetê waya Hasan Ocakî, Masîde Ocake ra ameye wedene. Ame vatene ke Hasan Ocak 26 serrî cuwa ver hetê polîsan ra tepişya û a roje nata reyna ey ra xeberî neameyî girwtene.

Dadîyan rixmê abluqa û hêrişê polîsan eşkerayîya xo wende û waşte ke rayîrraşîyayîşêk virazî la polîsan destûr şelîgî nêda û hêriş kerd. Palîsan parlamentere Huda Kaya darb kerde.

Dadîyan dîyar kerde ke ê seken wa bikerî, qet yew qewet nêşkeno înan dawayê ci ra peyser açarne, ê wayîrê vîndîbîyayenê xo vejîyenî û Meydanê Galatasarayî canêverdenî.