Têgêrayîşê Cinîyan ê Azadan (TJA) Mersin de bi eşkerayîya çapemenî startê Kampanyaya ''Ma Xo Pawenê'' da.

Hemsereka HDPyî ya Mersinî  Gulbahar Şofer, patîyîjî û xeylêk cinîyî tewrê eşkerayîye bîyî. Aktîvîsta TJA Nure Aytemur bale ante polîtîkya qirkerdişî ya vera kurdan ser û vat: ''Cinîyê kurdî ziwan, nasname û estbîyayîşê înan ra yenê pirodayene la ma do sey vizêrî ewro û siba zî bi xopawitişî vera înan payra bimanê. Ma nêtersenê, vera hêrişan zafêr vejîyenê meydanan. Ma sîstemê hemserekîye, bajarê cinîyan, rêxistinbîyayîşê cinîyan ê xoser cinîyan ê dinya rê dîyarî kerdî. Ma cuya xo înşa kenê. Hemserekîye xeta ma ya mor a. Ma vera heme hêrişan xover danê. Ma beden, cuya, kede, herre, awa, ziwanê xo yê dayîke , azadîye û vatişê kilmî heme heqanê xo yê ke bîyayîşî ra ma wayîrê ci yê pawenê.''