Têgêrayîşê Cinîyan ê Kurdan ê Ewropa  (TJK-E) bi eşkerayîyêka nuştekîye bale ante serê ke prosesê Korona de ke şar keyeyan de manano şîdetê vera cinîyan û domanan zêdîyayo û vat ganî verê naye bêro girewtene.

Eşkerayîye de ame vatene ke cinî û domanê ke şeran û neçarîye de zehmetîya tewr girane ancenê nê demî janê Korona de zî reyna binê tehluke de û ame vatene ke seba ke her kes keye de meno şîdetê vera cinîyan û domanan zafêr bîyo. TJK-E vat nê prosesê Korona de zî vera vîrusê şîdetê camêrd-dewlete yê 5 hezar serran ê vera cinîyan têkoşîn wezîfeyêko merdîmî yo ma mecburê ke nê têkoşînî bidomnê. Heta ewro qet yew felaketêk û polîtîkaya serdestan nêeşkayê têkoşînê cinîyan bişiknê û ewro ra tepişya çew nêeşko vernîya cinîyan bîgêro.

TJK-E da zanayene ke înan nê prosesî de xeylêk welatan de û waran de xeylêk komîteyî awan kerdî û semedê domanan û cinîyan xizmetê pedagojîk,huqûq, brukrasî, psîkolîjî û şewrimendîye danê û hesabê xo yê medayaya sosyale pare kerdî:

Facebook: Tjk-e Sosyal Komite

Twitter :Tjk-e Sosyal Komite @Tkomite

Instagram:tjkesosyal