TJK-E bi eşkerayîyêke vist vîrî ke Rayberê Şarê Kurdî Abdullah Ocalanî pê Komployê 15ê Sibate ame esîrgirewtene. TJK-E ard ziwan ke Abdullah Ocalan pê xoverdayîşê xo yê Îmraliyî komplo pûç kerd,  seba cinîyan ê kurdan û şaranê Rojhelatê Mîyanênî berê cuyêka newîye akerdî.

TJK-E pare kerd ke wedaritişê tecrîdî û azadîya Rayberê Şarê Kurdî tek rayîrê çinkerdişê faşîzmî yo. TJK-E peynîya eşkerayîya xo de venga kurdan, hêzanê demokrasî û komelê mîyanneteweyî da ke wa vera tecrîd û îtîfaqê AKP-MHPyî îtîfaqê cinî û şaran geş bikerê, têkoşîn berz bikerê.

TJK-E vat: ''Sere de cinîyan ma venga pêro şarê xo û demokratan danê ke 13ê sibate de tewrê çalakîyanê bi şîarê '15ê Sibate xo vîr a mekerê, medê vîrakerdene' bibê û dormeyê Rayber Apoyî de bêrê pêser. Komplogerî do bin bikewê, azadîye do ser bikewa.''