Kurdistanijî ke Ewropa de yî û dostê ci sergêrra 20. ya Komploya Mîyanneteweyî ya 9ê teşrîna verêne de hedreyîyê çalakîyan kenî.

Rayberîya Tevgerê Cinîyanê Kurdî yê Ewropa (TJK-E) de 9ê teşrîna verêne de paytextanê Ewropa Bruksel û Strasbourg de çalakîyî do bêrî viraştene.

TJK-E bi eşkerayîyêka daye zanayene ke ê serrgêra 20. ya Komploya Mîyanneteweyî sey serrêka têkoşînî pêşwazî kenî û seba tewrbîyayîşê çalakîyan veng da.

Eşkerayîya TJK-E de ca dîya nînan:

‘CPT bi bêvengîya xo sûcê sîtemê îşkenceyî yê Îmrali rê ortaxîye kena. Xora Mehkemaya Heqê Merdiman ya Ewropa (MHME) zî bi qerarê ‘Ocalanî rê îşkence nêbiyo’ dewleta tirkî rê ortaxîya xo îtîraf kerdo. Ma sey cinîyanê TJK-E qerarê MHME qebûl nêkenî û înan rexne kenî. Na çarçewa de 9ê teşrîna verêne de Bruksel de verê banê Komîsyonê Yewîya Ewropa de çalakîyêk virazenê. Wa sere de cinî heme şar û dostê ma tewrê çalakîye bibî û vera nêheqîye de bivejî.”

Her di çalakîyan de zî seba ke CPT wezîfeyê xo bîyaro ca derheqê tecrîdê Îmrali de muxataban rê do dosyayî bêrî dayene.

Eyaletê Almanya NRW, vakûrê Fransa, Belçîka û Hollanda ra kurdîstanîjî û dostê înan do tewrê çalakîya Brukselî bibî.

BRUKSEL

Tarîx: 9ê teşrîna verêne

Saete: 12:00

Adres: Rond Point Schuman

1040-Bruxelles

STRASBOURG

Tarîx: 9ê teşrîna verêne

Saete: 13:00

Adres: Conseil de L’Europe

Avenue de L’Europe/ Strasbourg