TJK-E pê eşkerayîyêke vist vîrî ke 20ê çeleyê 2018î de dewleta tirke ya kolonyalîste Efrîn îşxal kerd û heta nika tede xeylêk sûcê merdimîye kerdî.

TJK-E bale ante ser ke Efrîn de bi hezaran cinîyî binê îşxalî de maruzê şîdet, tacîz û tecawuzî bîyî.  TJK-E eşkera kerd ke sebebêko pîl ê kampanyaya '100 Sebebê Seba Hukmkerdişê Dîktatorî' qirkerdişê cinîyanê Efrînî yo.

TJK-E waşt ke Erdogan cade bêro hukmkerdene û vera Tirkîya ambargo bêro caardene. TJK-E vat: ''Ma do bibê vengê cinîyanê Efrînî. 20ê sibate de ma vejîyê kuçeyan. Ma venga pêro cinîyan danê ke tewrê rayraşîyayîşê bi şîarê 'Îşxal û qirkerdişê cinîyan rê ney' bibê.