TJK-E bi eşkerayîya nuştekîye veng da ke wa her kes 25ê sibate (siba) tewrê çalakîyanê semedê paştîdayîşê mexdûranê erdlerzî bibo û vera îqtîdarê faşîstî bengê xo berz bikero.

TJK-E vat: ''Bîyayîşê na felakete û  girdbîyayîşê ci berpisîyarîya îqtîdarî ya. Îqtîdar hem nêeşka krîzî îdare bikero hem zî keno ke vera partîyanê sîyasîyan û dezgehanê komelê sîvîlî bîgêro ke hetkarî kenê. Îqîtdarî şar binê rijnayîşan de mergî rê caverda. Dewlete herinda îlankerdişê herêma afate de Halo Îstîsnayî îlan kerd  û planê xo yê şerî fînayî dewre.

Berpirsîyarê na felakete Erdogan û paştgêrê ci yê ke bacê erdlerzî girewt û bi efê îmarî heme kêmanîyê xo nimitî. Herinde girewtişê tedbîran de hesabê rantî kenê. Rixmê erdlerzî Rojawanî bobmarduman kenê, wazenê ke rijnayîşî biaçarnê qirkerdişî. Têgêrayîşê azadîye yê kurdan riyê na rewşe ra çalakîyê leşkerî vindarnayî û semedê hetkarî vengdayîşê seferberîye kerd.

Ewropa de kurdan û dostanê înan seferberîye îlan kerd û her herême de masayê krîzî nayî ro. Ma do her ca de Erdogan û îtîfaqê ci yê leyminî deşîfre bikerê.  Na çarçewe de ma do 25ê sibate de welatanê Ewropa de vejîyê kuçeyan. Ma veng danê şarê xo dostan ke wa çalakîyan de cayê xo bîgêrê û bibê vengê kesanê ke erdlerzî de dinyaya xo vînî kerde û mexdûranê erdlerzî.''