Tevgerê Cinîyanê Kurdî yê Ewropa (TJK-E) bi eşkerayîyêka nuştekî daye zanayene ke sergêrra 20. ya Komploya Mîyanneteweyî ya 9ê teşrîna verêne de do rayberîya înan de çalakîyî berî viraştene û waşte ke wa herkes tewrê çalakîyan bibo.

Eşkerayîya TJK-E ra tayê beşî wina yî:

Komploya Mîyanneteweyî ya 9ê teşrîna verêne bi têkoşînê Rayber Apoyî puç ameya vetene. Ma serrgêra 20. ya Komploya Mîyanneteweyî sey serrêka têkoşînî pêşwazî kenî. Komlokaran nê 20 serran de waştişê xo dest nêvist. No semed ra vera Rayberîya ma û şarê kurdî de hêrişê xo zêdînayî la rixmê naye nêşkenî vernîya xoverdayîşê şarî bigirî.

Îmrali de vera Rayber Apoyî de polîtîkayêka taybete yena ramitene. Bi xorînkerdişê tecrîdî wazenê ke waştişê xo dest bifînî. Dewleta tirkî îmrali de peroyê qeydanê huqûqî gêna binê lingan. Hîrê serranê peyênan de hêrişê dewleta faşîstî vera merdimîye, şaran, cinîyan, gencan û ‘Rayberê Azadîye‘ de zêdîyayî.

Rayberîya ma ser o tecrîdo girankerde yeno domnayene, ci ra xebare nîna girewtene û heto bîn ra Komîteya Vernîgirewtişê Îşkenceyan (CPT) vera naye de bêveng a. Çîyo winasî nîno qebul kerdene. Xora Mehkemaya Heqê Merdiman ya Ewropa (MHME) qerarê ‘Ocalanî rê îşkence nêbîyo‘ da. Nê qerarî zî vernîya îşkenceyî binena akerd.

Ûmût Acarî bi çalakîya xo ya ‘şima nêşkenî Tîja ma tarî bikerî' wayîrê Raberîye vejîya û vera hêrişan de ganê xo sîper kerd. Na çalakîye reyna ramojna ke kurdî seba Rayberîya xo ganê xo danî. Ma mesajê Acarî sey wesîyetêk genî.

Ma sey Tevgerê Cinîyanê Kurdî bi têkoşînî cewab danê hêzê komplogêran û wazenê kê sere de cinîyî peroyê şarê ma û hetê demokratîke mîyanê nê têkoşînî de ca bigirî. Vera polîtîkaya îmha û înkarî ya vera şarê kurdî de, heta serkewtişê hemleya azadîya Rayberîya ma, xoverdayîş wezîfeyê ma yo esasî yo.

Sere de cinî, şarê kurdî û dostê ma wa tewrê çalakîyanê protestokerdişê Komploya Mîyanneteweyî yê 6 û 9ê teşrîna verêne bibî. Raybero azad Kurdîstano azad o, Kurdîstano azad Rojhelato Mîyanêno azad o, aştî, demokrasî û kilitê way-biratîya şaran o.