Hemsereka Pêroyî ya DEM Partî Tulaye Hatimogullari meclîs de kombîyayîşê heftaneyî yê koma partîya xo de qisey kerd. Hatimogullariya ke derheqê problemanê welatî de qisey kerd babete tecrîdê Îramliyî nê vatî:

 ''Şarê ma yo erjîyaye, ganî ma na raştîye tesbît bikerê. Polîtîkaya teberî ya AKPyî îflas kerd. La semedê haştîye herême, çareserkerdişê meseleya kurdan destê ma de yo. Rayrîyê çareserkerdişî, metodê ci û muxatabê bi bewlî yê. Muxatabê haştîye yê Tirkîya û Rojhelatê Mîyanênî Birêz Abdullah Ocalan o ke Îmrali de binê tecrîdê giranî de yo. Cayê careserkerdişê meseleya kurdan meclîs o. Parlamento û sîyaset de muxatab DEM Partî ya. Warê demokratîkî de heme partîyê sîyasîyî û hêzê demokrasîyî û komel bi xo muxatab o. Semedê haştîye verî ganî tecrîdê Îmraliyî cade bêro wedaritene. Çareserîya meseleya kurdan de pusula muzakereyo demokratîk û haştîya bianor a. Ma çewî ra çareserîye parse nêkenê. Ma hazirê ke semedê haştîye berpirsîyarîye bigigê xo ser.

Biewnê ewro Serekê Pêroyî yê MHPyî vano wa tecrîdê serê Birêz Abdullah Ocalanî bêro wedaritene. Ma bi serran o semedê wedartişê tecrîdî têkoşîn kenê. Tecrîdê serê Birêz Ocalanî ganî cade bêro wedaritene.Wa Birêz Ocalan vejîyo qisey bikero û ma pêro bivînê ke vano se. Ganî cade lezabez game bêra eştene. Ma sey DEM Partî semedê haştîye bianore bedelê girdî dayî, heta ewro ameyî. Eke ewro ra tepîya zî hewce bikero, ma sey partî reyna wezîfeyê xo anê ca. Ma soz danê ke do haştîya bianore bêro nê welatî. Ma do pêro pîya serebez deyîranê haştîye vajê. Ê rojî nêzdî yê.''