Hemsereka Heyetê Karanê Komelkîyan ê Rojawanê Kurdîstanî Meryeme Elî Îbrahîm bi wesîleya serrgêra 7ine ya xelisnayîşê Reqa ANFyî rê qisey kerd.

Meryem El Îbrahîm pare kerd ke Reqa sey  şaristanêkê Sûrîye binê serdestîya camêrdan de bîye û komanê OSOyî zî kerd ke sîstemê xo yê xoserî Reqa de awan bikerê. Meryeme vat: ''Şarî nêwaştêne ke OSO Reqa de bimano. OSOyî ra dima xora DAÎŞ kewt Reqa û nê pîya têgêrayî. OSO û DAÎŞ wextêkî ra dima kewtî pê. DAÎŞî bi taybetî cinîyî kerdêne hedef û her çi cinîyan rê qedexe kerdêne, nêverdayêne domanî şorê dibistanî. Reqa seba DAÎŞî seke paytext bi. 

DAÎŞî kerdêne ke pirrneteweyîya Reqa bixeripno, mabênê kurd û ereban de şer vejo. DAÎŞî hêrişê erjanê Reqa kerdêne. Şarê ma seba ke Reqa destê DAÎŞî ra bixelisno têkoşînêko pîl kerdbi. Hêzanê QSDyî, ewladanê şarê ma pîya şer kerdêne. DEwleta tirke zî paştî dayêne DAÎŞî. Hukmatê Şamî rewşe temaşe kerdêne. Erdê Rojawanî destê DAÎŞî ra ame xelisnayene û dima hemleya xelisnayîşê Reqa dîyaye destpêkerdene. Xelisnayîşê Reqa ra dima sîstemêko demokratîk ame ronayene. 

Reqa de hucreyê DAÎŞî zaf bîyê, seba astengkerdişê înan tedbîrî gêrîyayî. Erjê komelî ameyî pawitene, berê dibistanan newe ra wendekaran rê ameyî akerdene. Şarî mîyanê sîstemê demokratîkî de cuya xo awan kerde. Cinîyî tewrê cuye bîyî. Îdareyo Xoser seba cinîyan rayîrê xelisîyayîşî yo ke cinîyî mîyanê sîstemê hemserekîye de yê. Cinîyî ewro xêrê Îdareyê Xoserî ra eşkenê xo bipawê û îdare bikerê.''