Koordînasyonê PAJKî bi wesîleya 1ê Gulane Roşanê Karkeran eşkerayîyêke daye û nê pare kerdî:

''Rixmê heme herîşanê serdestan heta ewro rika kapîtalîzmî 1ê Gulane kuçeyan de yena bimbarekkerdene. Ma sere de roşanê Rayber Apoyî yo ke bi ruhê demokrasîyê globalî têkoşînî reyra beno, cinîyê ke vera polîtkîya qirkerdişî xo ver danê û heme karkeran bimbarek kenê. Rîyê polîtîkaya çimvêşanîya kapîtalîzmî ya ke  semedê kiştişê xoza û kolekerdişê merdiman yena reyraberdene ra merdimîye ewro binê tesîrê janî Covid-19î de ya. Pêroyê dewletê ke merkezê înan hegomanyaya kapîtalîzme ya polîtîkaya înan kolekerdişê kedkeran, îşxalkerdişê beden, ruh û zîhînan a.

Ma eşkenê ke vera na polîtîkaya koletîye û qirkerdişî bi muxalefetê xurtî sîtemê cuyeyêka biehleq, bianor û rinde înşa bikerê. No sîstemo ke wazeno ke ma teslîm bigero bi bêvengîya ma girdêr beno. Aye ra ganî bi perspektîfê Rayberîye cinîyî xoza, komel, cinî û qijan bipawê û cuyeyêka bimana awan bikerê. Rayberîye vano ganî heme kedkar, cinî, şar, îtîqat û kulturî bi demokrasîyê globalî rêxistinkerde têkoşînî gird bikerê ke ser bikewê. 

Nika îmkanê ma esto ke ma nê perspektîvî bîyare ca. Çirey cinî, kedkar, şar, îtîqat, kultur û xoza hende binê hêrişî de nêbî. Kapîtalîzmo ke tim polîtîkaya qirkerdişî rayra beno nika hêrişê heme hetan keno ke pêroyê kaînatî  binê tehlukeyî de yo. Têna yewbîyayîş û paştdayîşê mîyanneteweyî eşkeno nê tehlukeyî vindarno. Ganî 1ê Gulane bibo wesîleya nê têkoşînî ke komel binê hêrişê sedestan ra bêro xeslinayene. Hînî sabrê bindestan  çîno ke yewna seserre bipawê. Wext wextê girdkerdişê têkoşîn o.

Ma sey Partîya Cinîyan ê Azadan a Kurdîstanî vanê ke ma qerardarê ke ma do semedê azadîya bindestan bi perspektîvê Rayberîya xo xoverdayîşî xurt bikerê û ma veng danê cinîyan ke wa semedê pawitişê bedenê xo ke yeno waştene ke bêro îşxalkerdene,ruh, keye û erdê çalakîyan bikerê.  Semedê serkewtişî ganî têkoşîn bêro girdkerdene.''