Qezaya Qilêbanî ya Şirnexî de şewe vera keyeyê Hemserekê DEM Partî yê bajarekê Sêgirkê Faysal Babatî hêrişê bi fîşekan ame kerdene.

Fîşek gina dara verê keyeyî. Leşker û cendirmeyî sewqê cayê serebûtî ameyî kerdene. Cendirmeyan ferdê keyeyî berdî qereqolî û îfadeyê înan girewtî.

Derheqê serebûtî de tehqîqat dîya destpêkerdene.

Verê cû zî vera keyeyê Babatî hêriş amebi kerdene û Babat amebi tehdîtkerdene.

11ê kanûna 2023yî de îdarekarê DEM Partî Ahmet Gun Sêgirkê de hetê qoricîyan ra amebi qetilkerdene û lajê xi Abdurrahîm Gun zî birîndar bibi.