Roniştişê dewaya Vervatoxa TJA Ayşe Gokkan a ke bi îdîaya 'îdarekarîya rêxistine' û 'endamîya rêxistine' ra yena hukmkerdene, Mehkemeya Cezaya Girane ya Amedî de ame kerdene. Heyetê mehkeme qerarê tepiştişê Gokkane da.

Badê qerarê tepiştişî polîsan Peyasê Amedî eşt keyeyê ci ser û Gokkane destbend kerd. Gokkane Şubeyê TEMî yê Mudirîya Asayîşî ya Amedî yena tepiştene. Goreyê zanayîşê ke avûkatan ra ame girewtene  Gokkane  siba do vejîyo mehkeme û bişawîyo zîndan.

Hetê bînî ra avûkatanê Gokkane vera qerarê tepiştişî îtarazê mehkemeyêka corîne kerd la hema cewab nêame dayene.