Qezaya Erdîşî ya  Wanî û qezaya Bornova ya Îzmîrî de vizêr di cînîyê bînî ameyî mirênayene.

Erdîşê Wanî de cinîya bi nameyê  P. A. (37)  banê tandirî yê verê keyeyê ci yê taxa Golagzî de merde ameye dîyene. Ame îdîakerdene ke aye xo kişto. Dadîya çar qican P. A. ya meyîtê ci hetê merdimanê ci ra ameye vînayene 2 aşmîye diganî bî. Cenazaya P.A. semedê otopsî ameye berdene Nêweşxaneyê Dewlete yê Erdîşî û derheqê babete de tehqîqet dîya destpêkerdene.

Bornovaya Îzmîrî de zî cinîya bi nameyê Ceyda Yuksel (21) keyeyê xo de merde ameye vînayene ke bedenê ci  bi camî amebi birnayene. Gerrekerdişê cîrananê Yuksele ser o  Serkan Dîndaro ke eynî keye de yo ame destbendkerdene. Dîndar mehkeme de bi sûcê  ''cara kiştişî'' ame tepiştene. Cenazaya Yuksele ameye berdene Dezgehê Tipê Edlîyî yê Îzmîrî û derheqê babete de tehqîqet dîya destpêkerdene.