Wekîla HDP'yî ya kehene Burcu Çelîke, seba piştîdayîşê Leyla Guvena ke seba waştişê tecrîdê Îmraliyî bêro wedartene 82 rojî yo grevê veşanîye de ya, dest bi grevê vêşanîye yê 10 rojan kerd.
Seba hemsereka KCD’yî û parlamentera HDP’yî Leyla Guvena ke semedê wedartişê tecrîdê serê Rayberê Şarê Kurdî Abdullah Ocalanî bêro wedartene grevê vêşanîye yê bêdem û bêagêrayîşî de ya û çalakîyanê girewtîyan rê hetkarîye her ke şonê zêdetir benê.
Xebera destpêkerdişê grevê vêşanîye ya Burcu Çelîke medyaya sosyal a resmî ya Meclîsa Cinîyan ê HD’Pyî de ameye parekerdene.
Eşkerayîya ke ameya kerdene wina ya: “Xoverrodayîşê grevê vêşanîye yê ke seba tecrîdo ke serê Birêz Ocalanî de yo bêro wedartene û bi rayberîya Leyla Guvene dest pêkerdo vila beno. Burcu Çelîke ya ke Hepisxaneyê Kandira de rehîn yena girewtene bi çalakîya grevê vêşanîye ya biagêrayîşî ya 10 rojan beşdarê xoverrodayîşî bîye. Xoverrodayîşê cinîyan do dêsanê tecrîdî bişikno.”
