Platformê Cinîyan ê Kurdan ê Yewbîyayeyî serrgêra ronayîşê xo de Amed de resepsîyonêk serûber kerd. Hemsereka KCDyî Leyla Guven, Hemsereka DBPyî Salîha Aydenîz, wekîlê HDPyî, Hemsereka Pêroyî ya ÎHDyî Erene Keskîn, aktîvîstê Têgêrayîşê Cinîyan ê Azadan, kênaya Musa Anterî Rahşane Anter, îdarekarê HDPyî û DBPyî, HAK-PAR, Têgêrayîşê Azadîye, Partîya Azadîye, Komeleya Huqûqnasanê Seba Azadîye (OHD), Platformê Qelema Cinîyan ê Mezopotamya, Meclîsê Mayanê Haştîye yê Amedî, Tîyatroyê Şaristanî yê Amedî û zaf cinîyî tewrê resepsîyonî bîyî.

Resepsîyonî seba cinîyanê ke têkoşînê demokrasîyî wefat kerd bi deqayêkê rêzgirewtişî dest pêkerd û dîwanê aktîvî te de Duysale Karataş, Nesrîne Askar û Ayşe Gokkan cagirewt. Akerdişê bernameyî de Hetkara Sereka Pêroyî ya Partîya Azadîye û Merdimî Menîce Gulmez qisey kerd û vat: "Cinîyênê eke yew keye de yewîye biba, o keye şaristan bin keno. Eke şaristan de yewîye biba, dewlete nêeşkena şaristan bin bika. Eke yew dewlete de yewîye biba dinya nêeşkena aye bin bika. Yewîya cinîyanê kurdan do biba wesîleya yewîya kurdan."

Dima aktîvîsta TJA Ayşe Gokkan  qisey kerd û ard ziwan ke yewîya cinîyanê kurdan rayberîya yewîya kurdan kena.   Bernameyî bi hawayêkê çapemenîye ra girewte dewam kerd.