Fermandarîya Qerargehê Merkezî ya YJA-Starî mesajêkê nuştekî weşana û serrgêra Hamleya 15ê Tebaxe fîraz kerde. Fermandarîye mesajê xo de bale ante Cengê Heftanînî ser o zî.

Mesajê YJA-Starî de nê çîyî ameyî vatene:

''Ma Roşanê Newerabîyayîşî yê 15ê Tebaxe yê Rayber Apoyî, şarê xo û embazanê şehîdan fîraz kenê, verê vîrameyîşê înan de sereyê anê war. Ma sonda wanenê ke ma do bibê wayîrê serkewtişanê pîlan.

Hamleya 15ê Tebaze bîye roşanê xoverdayîşî û îlankerdişê têkoşînê xobîyayîşî. Kurdî bi serewedariyişê PKKyî bîyî wayîrê reçêkê çêrîye yê mendeyî. 15ê Tebaxe bi guleyê verênî tarîtîya zulmê 12ê Êlule vila kerde û bi şîarê 'Ya serkewtiş ya serkewtiş' bi cewabê kolonyalîzmî.

Hamleya 15ê Tebaxe seba cinîyanê kurdan zî wayîra heman manayan a. Cinîyê kurdî koledarî û tarîtîye ra dima bîyî artêşe, wayîrê têkoşîn û xopawitişî. Têkoşînê cinîyan o ke rayberîya embaze Sara de dîya destpêkerdene, Hamleya 15ê Tebaxe de şexsê Besê Anûş, Hevale Azîme, Hevale Havva de dewam kerd. Xora plansazî û amadekarîya çalakîya Dihî ya 15ê Tebaxe de embazê cinîyî zî hem sey fermandar hem zî sey şerwan estbî.

O çax Besê Anûş, Heval Azîme, Heval Hava û xeylêk embazanê ma Botanî ra heta Başûrî, Lolanî têkoşîn kerd. Eke ewro ma eşkenê meydanan de vengê xo berz bikerê, rayberîya şorişî bikerê sayê nê şehîdan de yo. Artêşbîyayîşê cinîyan camêrdî zî zaf vurnayî.

Cuntaya 12ê Êlule de kolonyalîstan zîndanan de kurdan rê zulm kerd û wina hesibna ke kurdî do xoverdayîşê xo fel vera bidê. La zîndanan de xoverdayoxan bedenê xo da adirî ver û xoverdayîş û têkoşîn geş kerd. Xoverdayîşê Çaran, xoverdayîşê Mazlum Doganî, xoverdayîşê Rojeyê Mergî yê Pîlî yê Kemal Pîr, Mehmet Xeyrî Durmuş, Alî Çîçek û Akîf Yilmazî derbê pîlî dayî dişmenî ro.

Embaze Saraya ke temsîka cinîyan ê kurdan kerdêne, şexsê Esat Oktayî de vera hîşmendîya faşîste û pederşahî serewedaritişêk a.Embaze Sara wexto ke alawê xo kerd rîyê Oktay Esatî û vat ê do qet nêeşkê kurdan teslîm bigêrê newerabîyayîş û şîyarîya cinîyan ê kurdan mojna. Hamleya 15ê Tebaxe bîye caardişê serewedaritiş û qesasî.

Nê rojanê tarîxîyan de ma sey milîtananê YJA-Starî derbanê giranan danê artêşa tirke ro.Sere de Heftanîn, Serhed, Botan, Dêrsim û pêro wareyanê gerîlayan de guleyê ma benê qesasê cinîyan. Rayberîya Fermandare Esmere de xoverdayîşê cinîyan beno rîyê bînî yê Hamleya 15ê Tebaxe. Ganî dewleta tirke ya faşîste bizana ke qesasê embazanê ma yê çêran seba ma sebebê şer û serfîrazî yo.

Ma soz danê ke bi felsefeya Rayber Apoyî, bi şerê Egîd û Zîlane ma azadîya Rayberîye do bîyarê ca. Serra 37. ya Hamleya 15ê Tebaxe de ma do rêçê Sara, Çîçek, Têkoşîn, Esmer, Doga, Rûstem, Memyan, Zeryan, Amarayan de serfîrazîye bivisnê destî û Kurdîstanê azadî awan bikerê.''