Fermandarîya Qerargehê Merkezî ya YJA-Starî bi eşkerayîyêke Fermandare Berware Dêrsim bi rêzî yad kerde. Eşkerayîye wina ya:

''Fermandara Eyaletê Serhedî ya YJA-Starî û Endama Konseya Fermandarîye ya HPG û YJA-Starî embaza ma ya ercîyaye Fermandare Berware (Seyrane Çomak) 8ê tebaxa 2024î de şehîd bîye. Ma sere de keyeyê aye rê pêro şarê ma yê welatperwerî û cinîyan rê serweşîye wazenê. Ma embaze Berware bi minet û hûrmetî yad kenê.

Embaze Berware mîyanê keyeyêkê welatperwerî de qezaya Elbakî ya Wanî de dadîya xo ra bena. Keyeyê aye qetî teslîmîyetî qebul nêkerde coka zaf zehmetî û zorbazîyî dîyî. Keyeyê ci tedayan ra koçê Rojhelatê Kurdîstanî kerd. Embaze Berware rîyê dişmenê hêrişkerî rew şinasna û a binê tesîrê têkoşînê azadîye de mende. Embaze Berware 1999 de wextê Komployê Mîyanneteweyîyî de tewra gerîlayan bîye.

Wexto ke embaze Leyla Agirî şîyayêne Xinêr seba xatirwaştişî şibi hetê şarî û embaze Berware zî tede şîbî, bibî gerîla. Embaze Berware perwerdeyan ra dima tewra Hêzanê Taybetan bîye. A wextê Hemleya 1ê Hezîrane de refanê vernîyan de cabîye û 2004 de waştişê xo ser o derbazê Dêrsimî bîye. 2013 de a derbazê Herêmanê Pawitişî yê Medya bîye û 2016 ra heta şehadetê xo bi qerardarî erkê Fermandarîya Eyaletê Serhedî kerd. Aye şer û cuye de gerîlatî û fermandarîye xeta Zîlane û Bêrîtane ser de arde ca.

Embaze Berware bi eşqê xo yê cuya azade, welatê azadî û eşqê Rayberîye bîye şerwanêka Koyê Agirî. Aye tim bi fedayîtîya xo perwerîya xo ya bi Rayberîye îsbat kerde. Embaze Berware mîyanê PKKyî de bingeyê serkewtişê fermandaran ard ca. Aye Dêrsimî ra heta Serhedî xeylêk çalakîyî kerdî û tim verê xo da serkewtişî. 

Şehadetê embaze Berware hêzanê YJA-Starî rê zaf tesîr kerd. Şexsê aye de ma do wayîrê pêro erjanê embaze Berware vehîyê. Ma do Rayberîye xo rê bikerê esas, armancê şehîdanê xo Kurdîstanê Azadî û cuya azade bîyarê ca. Ma sozê xo dibare kenê ke qesasê embaze Berware û embazanê xo yê şehîdanê bînan bigêrê.''