Fermandarîya Qerargehê Merkezî ya YJA-Starî Fermandare eşkera kerde ke Fermandare Nûjîyane Amed şehîd bîye. Eşkerayîye wina ya:

''Fermandaranê YJA-Starî ra û milîtananê PAJKî yê serkêşan ra embaze Nûjîyane Amed, 23yê temmuze de hêrişê dewleta tirke ya îşxalkere de, Herêmanê Pawitişî yê Medya de şehîd bîye. Sere de keyeyê embaze Nûjîyane Amed ê ercîyayeyî rê, ma pêro şarê ma yê welatperwerî rê serweşîye wazenê.Ma soz danêke armanc û xeyalanê embaze Nûjîyane teqîb bikerê û bîyarê ca.

Nasnameyê embaza ma Nûjîyane Amed wina yo:

Embaza ma Nûjîyane 1970 de, dewa Kubeyşî ya qezaya Bismilî ya Amedî de dadîya xo ra bena. Keyeyê ci dima koçê Mersînî kerd. Embaza ma Nûjîyane bi çimanê xo bena şahîda qirkerdişanê dewlete. A qetî kurdayetîya xo ra fek vera nêdana û bi ziwanê xo ciwîyena.

Embaza ma Nûjîyane 1993 de bi tesîrê xebatanê ERNKyî Mersînî ra verê xo dana koyan. Embaze Nûjîyane soz dana ke biba gerîlayêke sey Bêrîtane. Embaze Nûjîyane xeylêk waranê Kurdîstanî de têkoşîn kena û tim şerê xo aver bena.

A Rojawanê Kurdîstanî de zî bena wayîra kedêka pîle. Bi taybetî wextê hêrişanê DAÎŞî de Rojawan de xeylêk xebatan kena, şerwanan perwerde kena. Embaza ma Nûjîyane bena fermandarêka YJA-Starî û milîtana PAJKî ya serkêşe. A tim bi waştişê xo waranê şeranê çetinan de cagêna. A bena sembola fedayîtî û embazîye. Ma şexsê embaze Nûjîyane de soz danê ke do ser bikewê.''